Kinundena ni Defense Secretary Delfin Lorenzana ang mga pag-atake ng New People’s Army’s (NPA) sa mga tropa ng gobyerno at maging sa mga pribadong mga kompanya.
Tinawag ni Lorenzana na mga terorista ang komunistang grupo na aniya ay “anti-development, anti-progress at anti-poor.”
Ayon kay Lorenzana, sa mga nakaraang linggo ay patuloy ang NPA sa ginagawang pagsusunog ng mga equipment at mga pag-aari ng mga kompanya na tumatanggi sa kanilang extortion.
Dagdag pa niya, ginagawa ito ng NPA sa mga kompanyang gumagawa ng kalsada, nagluluwas ng mga produkto at mga may kinalaman sa transportasyon na nagbibigay aniya ng trabaho at kita sa mga Pilipino.
Iginiit din ng kalihim ang mga pag-atake at pag-ambush sa mga militar at mga pulis na ginagawa ang kanilang mga tungkulin.
Una ng sinabi ni chief government negotiator, Silvestre Belllo III na ang paglagda sa isang bilateral ceasefire agreement ay magiging prayoridad sa isasagawang peace talks.
NPA, pinabulaanan ang ulat na 10 sa mga kasamahan nila ang namatay sa engkwentro sa Quezon
Pinabulaanan ng New People’s Army (NPA) ang ulat ng militar na 10 rebelde ang namatay sa engkwentro sa General Nakar sa lalawigan ng Quezon noong Huwebes.
Iginiit ni Armando ‘Ka Mando’ Jacinto, tagapagsalita ng NPA Rosario Lodronio Command sa Sierra Madre, walang namatay o nasugatan sa panig ng mga rebeldeng komunista.
Maliban dito, sinabi rin ni Jacinto na limang sundalo ang nasawi at isa ang lubhang sugatan. Taliwas ito sa ulat ng militar na dalawang sundalo ang namatay sa bakbakan, at dalawa pa ang sugatan.
Ipinahayag naman ni Lt. Colonel Randolph Cabangbang, komander ng 80th Infantry Battalion ng Army, na hindi idinedeklara ng NPA na patay ang kanilang myembro maliban na lamang kapag narekober na ang bangkay nito.
Nanindigan din si Major General Rhoderick Parayno, komander ng 2nd Infantry Division, ang kumpirmadong ulat ng militae na 10 ang namatay sa panig ng NPA.
Noong Huwebes, tinatayang 30 rebelde ang nakasagupa ng militar sa Barangay Lamutan.
0 Mga Komento