Ubay-ubay samaran human nabangga ang usa ka police mobile patrol sa Biao Joaquin, Calinan, Davao City pasado alas 10:00 karong buntaga.
Sa pag responde sa atong ka balita sa nahitabuan nasayran nga Police Mobile Number 34 ang nasangpit nga sakyanan sa Calinan Police Station nga gimaneho sa usa ka Rodrigo Zamora.
Sa pag interbyu ngadto sa usa ka biktima gisaysay niini nga nag overtake matud pa ang patrol sa usa ka motor ug wala na kini maka bawi rason nga didto na sila sa daplin nabangga.
Dugang pa nga sobra matud pa kakusog ang padagan ni Zamora atong higayona diin padulong unta sila sa korte ug Maa City jail.
Samaran ang 10 ka mga tawong sakay sa maong patrol nga gilangkuban sa mga pulis, sibilyan, ug 5 ka piniriso lakip na ang drayber.
Paspas usab nga gidapatan og first aid sa mirespondeng Central 911 ang mga biktima ayha gipangdala sa ospital.
Padayon pa ang ginahimong imbestigayon sa nasangpit nga disgrasya.BNFM-Davao
0 Mga Komento